Bastia : Julien Morganti présente un contre-PLU
Dui anni innanzi à l’alizzioni municipali, hè aghjà cumencia a campagna in Bastia : Julien Morganti, l’uppunenti u più attivu di Pierre Savelli, hè passatu à l’attaccu.
Sabbatu, u capifila di « Un Futur Pour Bastia » hà prisintatu un Pianu Lucali d’Urbanismu altirnativu à quiddu purtatu da a maiurità municipali, cù a prumessa di fà ni u cartulari priuritariu, par casu ch’idda venga a so vittoria in u 2026.
Julien Morganti, chì dici chì u ducumentu prisintatu da a maiurità hè piriculosu è pocu ambiziunutu, si faci puntu à puntu u cuntradittori di Pierre Savelli.
À pettu à a virticalisazioni privista in u PLU è validata in cunsigliu municipali, Julien Morganti vurria cunverta una parti di i tarri resi à l’usi agriculi, da fà ci alloghja più sparti è menu alti.
U PLU di a maiurità privedi 300 alloghja à l’annu, cù 30 di quissi didicati à u primu accessu à a prupriità. Julien Morganti, par contu soiu, ni vurria 500 à l’annu, è chì 150 di quissi sichini didicati à u primu accessu.
U principali uppunenti di Pierre Savelli, chì pridichighja pà un vultà di a natura in i spazia monda urbanizati, pruponi di fà 1 800 piazzi di staziunamentu, è porta u so sustegnu senza cundizioni à u portu lla Carbunita.
Steti à senta à Julien Morganti.
Sur le même sujet
