Autonomie de la Corse : c'est NON pour Jacqueline Gourault
(A redazzioni d'Alta Frequenza) - L'autunumia ? "Innò" pà Jacqueline Gourault ! Invitata da Francis Letellier nant'à France 3, inde l'emissioni "Dimanche en politique", a "Madama Corsica" di u guvernu hà accertatu i parolli di u Prima ministru, Edouard Philippe, dicendu chì "a parolla autunumia ùn hè micca privista inde l'articulu cuncirnendu a Corsica inde a Custituzioni". S'è no tucchemi à a fini di i discussioni custituziunali pà l'isula, postu chì u testu devi parta da quì à calchì ghjornu à u Cunsighju di Statu, u travaghju ùn hè micca compiu, hà pricisatu a ministra. A Cullittività di Corsica hà bisognu in fatti di u Statu pà un sustegnu finanziariu è tennicu, inde l'eserciziu di i so cumpitenzi dighjà abbastanza larghi, d'appressu à ella. Da un'antra banda, l'eletti isulani devini scuntrà torna ssu luni in Matignon u Prima ministru.
Steti à senta à Jacqueline Gourault.
Sur le même sujet
