Associu Sulidarità : a lotta cuntinueghja...
(A redazzioni d'Alta Frequenza) - Una mubilisazioni larga è a seguita di l'azzioni à prò di i prighjuneri è di i ricircati pulitichi corsi : eccu u sensu di l'azzioni purtata ssu vennari da l'Associu Sulidarità davanti a Prifittura di Corsica in Aiacciu. Un'azzioni accumpagnata da a LDH è da eletti di a maghjurità tarrituriali. Un'azzioni particulari malgradu tuttu, a prima dipoi a sparizioni tragica di Ghjuvan Maria Poli. Nant'à u fondu, si trattava di ramintà chì certi prighjuneri campani situazioni propiu pessimi, chì u fattu d'ùn avvicinà micca ferma torna d'attualità è chì i ricircati devini pudè benefizià di un trattamentu equitativu. Ricircati ch'ellu ùn ci voli micca à sminticà in u quadru di u trattamentu umanu è puliticu di u prublema di i prighjuneri.
Steti à senta à Katty Bartoli pà Sulidarità.
Sur le même sujet
