Assemblée de Corse : faire jaillir l'unanimité face à Paris pour déboucher sur une solution politique
(A redazzioni d'Alta Frequenza) - "Ùn emi micca a pratinzioni d'avè u monopolu di a lighjitimità" ! Ssi parolli sò quilli ditti ssu marti da Gilles Simeoni duranti a prima seenza publica vera di a Cullittività di Corsica nova. U presidenti di l'Esecutivu hà amintatu in fatti u metudu ch'ellu voli metta in ballu pà i neguziati chì venini cù u guvernu. Primurosu di metta in avanti torna d'appressu à ellu u spiritu d'apartura è a brama d'assucià tutti l'eletti è i forzi vivi à u dialogu chì s'hà da apra, Gilles Simeoni hà prupostu ch'ella si tinissi ssu marti dopu meziornu una riunioni cù u presidenti di l'Assemblea di Corsica è i presidenti di i gruppi. Si trattava di truvà un accunsentu inghjiru à parechji punti, pà pudè pighjà da quì à calchì ghjornu risuluzioni unanimi cù una pusizioni cumuna, tuttu què mentri ch'ellu hè privistu un prima appuntamentu luni chì veni in Matignon cù u Prima ministru, Edouard Philippe.
Steti à senta à Gilles Simeoni, u presidenti di l'Esecutivu di Corsica.
