Assemblée de Corse des jeunes : le sentiment de Dominique Bucchini
(A redazzioni d'Alta Frequenza) - A situazioni di riescita chì suvita di regula una vittoria eletturali è a stallazioni di una maghjurità nova hè bè compia à l'Assemblea di Corsica. L'attacchi si multiplicheghjani contr'à i pusiziunamenti di a maghjurità tarrituriali è contr'à cartulari chì sò impurtanti pà contu soiu. Hè statu u casu arimani (ghjovi) cù l'asamini di un raportu intruduttu da u presidenti Talamoni nant'à a criazioni di un'Assemblea di Corsica di i ghjovani. Ss'assemblea di 62 membri trà 18 è 25 anni duvaria essa diretta da u presidenti di l'Assemblea di Corsica. Aldilà di a forma è di u fattu chì l'Assemblea di Corsica sighi stata infurmata soca troppu tardi, un ventu di rivolta hà suffiatu arimani nant'à l'emiciculu. Hè a manera di sceglia i membri di ss'assemblea di i ghjovani chì hà fattu nascia a scuntintezza è chì hà cuntribuitu à infiarà u dibattitu. A manca, o in tutti i casi a manca cumunista, s'hè assuciata à a dumanda pà rinvià ssu cartulari davanti a cunfarenza di i presidenti. Ùn hè micca contr'à l'iniziativa, ma a voli inde altri cundizioni, com'ellu a ci dici Dominique Bucchini.
Steti à senta à Dominique Bucchini.
Sur le même sujet
