Assassinat d'Yvan Colonna : J.F. Acquaviva et L. Marcangeli saisissent le procureur de Tarascon
Jean-Félix Acquaviva è Laurent Marcangeli, prisidenti è rapurtadori di a cumissioni d’inchiesta pà l’assassiniu d’Yvan Colonna, ani scrittu à u prucuratori di Tarascon.
« Intesa suttu à ghjuramentu u 4 d’aprili llu 2023, una surviglianti di a prighjoni cintrali d’Arles hà dittu in parichji volti… ch’idda avia nutatu in u lugiziali Genesis affari impurtanti.
Hà dittu ch’idda ci hà nutificatu u cambiamentu d’attitudina di frank élong abé…, avendu lu rimarcatu parichji sittimani innanzi à issa data.
Hà dittu d’altrondi ch’iddu facia u viotu in a so ceddula », spiecani i diputata.
« Eppuri, avemu custatatu ch’issi rimarchi ùn sò nè in u lugiziali di surviglianza Genesis, nè mancu in u cartulari cumplimintariu trasmissu da a dirizzioni di l’amministrazioni pinitinziaria, dopu à i dumandi fatti da u rapurtadori Laurent Marcangeli.
Iss’elementi sò trascritti in una siria d’ussirvazioni nutificati, à u scrittu, da a surviglianti à a so ierarchia, via un resucontu prufiziunali di u 21 di marzu llu 2022, vali à dì 19 ghjorna dopu à i fatti. Hè tandu u nosciu duveri », dicini l’eletti
« di signalà vi issu disfunziunamentu maiori è a pussibilità ch’iddi sichini stati canciddati à posta issi dati, ciò chì vali infrazzioni penali.
Par casu ch’iddi sichini virificati iss’andamenti cù i invistigazioni purtati da a voscia auturità, ci tuccaria à signalà vi tandu a non assistenza à parsona in piriculu », dicini in chjudenda i diputata.
