Air Corsica inaugure son premier vol Bastia-Rome
Luni u 13 di luddu, in l’aeruportu di Bastia Purreta, i dirigenti d’Air Corsica, di l’Agenza llu Turismu è di a Camara di Cumerciu è d’Industriu si sò ritrovi pà l’apartura di a nova ligna diretta trà Bastia è Roma.
L’ATC avendu idintificatu u marcatu putinziali in Italia, a cumpagnia si hè pusiziunata da allargà a so reti da culandi à u sirviziu publicu, è da apra si à l’Auropa.
I voli – chì contani 2 600 piazzi – ci sarani u luni è u vennari, da u trè di luddu à u primu di sittembri llu 2023.
Par Marie-Hélène Casanova Servas, a prisidenti d’Air Corsica, « a purzioni di i piazzi accupati sinu ad avali c’insigna chì l’ughjittivu mizanu di 70 % pudaria essa toccu pà issu periudu. A noscia ufferta pà l’Italia si farà ancu dopu à a staghjoni cù, toccu sittembri, và è volta versu Milanu, à parta si da Calvi è Ficari.
Sfruttendu issi marcati novi, Air Corsica metti in anda a so stratigia di sviluppu, à fini di lià a Corsica à l’Auropa via voli diretti.
Sur le même sujet
