Affaire Reims - Bastia : un an après, un dossier qui stagne
(A redazzioni d'Alta Frequenza) - Sabbatu, u cullittivu Ghjustizia è Verità per I Nostri è a Liga di i Diritti di l’Omu ani fattu u puntu nant’à l’affari Reims-Bastia, guasgi un annu dopu à l’evenimenti. È s’imponi un custatu sicondu i dui cumpunenti, vali à dì a vera sfarenza trà u tempu ghjudiziariu nant’à u latu di l’affari contr’à i sustenidori bastiacci, è quillu tucchendu viulenzi pulizzeri pussibuli. Mentri chì u prucessu in appellu di l’ottu sustenidori incausati dopu à ss’evenimentu sarà urganizatu ssu ghjovi, hè statu ramintatu chì dui sustenidori bastiacci sò incarciarati di manera priventiva dipoi dui mesi è mezu in u quadru di a scuparta di splusivi nanzi a manifistazioni di u 20 di farraghju di u 2016 in Bastia, mentri chì a so dumanda in nullità di u cartulari devi essa asaminata l’8 di marzu. Cù i ritardi di spertizi chì ùn piantani in u casu Maxime Beux è i difficultà d’accessu à a videò survighjenza pà a difesa, hè una mansa d’elementi chì facini rifletta a Liga di i Diritti di l’Omu.
Steti à senta à André Paccou.
Sur le même sujet
