Affaire Reims-Bastia : création du collectif Ghjustizia è Verità Per i Nostri
(A redazzioni d'Alta Frequenza) - Mentri chì Jean Baptiste Castellani, u presidenti di Bastia 1905, hà principiatu u so quattriesimu ghjornu di greva di a fami, un cullittivu, Ghjustizia è Verità Per I Nostri, hè natu. Ssu cullittivu, purtatu da i famighji, l’amichi è i cunniscenzi di i sustenidori bastiacci tocchi da l’affari Reims-Bastia, ma dinò da parechji raprisintanti di u mezu assuciativu è ancu di u mezu puliticu, voli chì a verità surghjessi di pettu à ciò chì hè accadutu in Reims di farraghju scorsu. U cullittivu dinunzia una bugia di Statu in ssu cartulari, una negazioni di a ghjustizia è un razzisimu contr’à i Corsi. Di fattu, u cullittivu hà lanciatu una petizioni nant’à u www.petitions24.net/ghjustizia chì hà dighjà racoltu guasgi 2 500 signaturi, è sarà ricivutu ssu vennari à dui ori è mezu da u prifettu di Corsica Suprana.
Steti à senta à Paul Turchi-Duriani pà u cullittivu.
Sur le même sujet
