Affaire Bastia - Lyon : renvoi du procès au 15 mai, deux personnes en détention provisoire
(A redazzioni d'Alta Frequenza) - Passavani subbitu ssu marti davanti a ghjustizia cinqui parsoni suspittati d'avè participatu à l'incidenti nanzi a partita è dopu u prima tempu di SC Bastia-Liò u 16 d'aprili scorsu. Ssu prucessu hè statu rinviatu à u 15 di maghju. Malgradu tuttu, dui sustenidori fermani in prighjoni di manera pruvisoria, mentri chì un antru hè sottu à cuntrollu ghjudiziariu, ciò chì l'impidisci d'andà à fighjulà partiti di u SC Bastia da quì à u prucessu è chì l'ubligheghja à passà in un cumissariatu a sera d'ogni scontru, ed hè listessu affari pà un steward. Cuncirnendu u direttori di i servizi generali di u SC Bastia, sottu à cuntrollu ghjudiziariu anch'ellu, hè difesu d'andà nant'à u tarrenu pà partiti di u SC Bastia fin'è u prucessu. Ss'ultimu hà da pona una lagnanza contr'à u guardinu di Liò, Anthony Lopes, pà colpi, inghjulii è minacci di morti.
Steti à senta à Marc Antoine Luca, avucatu di i dui sustenidori imprighjunati di manera pruvisoria.
