Accords commerciaux Europe-Amérique du Nord : le brocciu rayé des AOC protégées !
(A redazzioni d'Alta Frequenza) - U brocciu cacciatu da l'AOC prutetti ! A colpa à accordi cummirciali futuri trà l'Auropa è u nordu di l'Atlanticu, di manera più pricisa i Stati Uniti è u Canada, chjamati TAFTA è CETA. Hè José Bové, u diputatu aurupeu, chì hà alertatu u presidenti di l'Allienza Libara Aurupea, François Alfonsi, nant'à a parti agricula di u CETA, chì duvaria pricisà a qualità è a diversità di i prudutti aurupei. Di fattu, nant'à più di 1400 Appellazioni d'Urighjini Prutetta in Auropa, solu 176 sò stati tinuti cù, surpresa, a sparizioni d'una di i trè soli AOP pà casgi fatti cù u latti di pecura in Francia, u brocciu. Senza ssa prutezzioni, una cunsiquenza maiò : di più fabricazioni fora di a zona d'appellazioni, vali à dì fora di Corsica, è chì si pudarani chjamà brocciu anch'elli. A minaccia d'altri cunsiquenzi cuncirnendu l'AOC futuri pussibuli com'è a carri purcina corsa ùn hè micca sclusa dunqua, ciò chì faci dì à François Alfonsi chì una presa di cuscenza maiò è una vera mubilisazioni contr'à ssu trattatu devini nascia u più prestu pussibuli.
Eccu l'intervista di u presidenti di l'Allienza Libara Aurupea.
