Accessibilité des bâtiments publics : coup de gueule de l'Association des Maires 2A
(A redazzioni d'Alta Frequenza) - Scuntintezza di l'Associu di i Merri di Corsica Suttana, è soprattuttu di a so presidenti, à l'uccasioni d'una riunioni nant'à a missa in accessibilità di i casali publichi. Handicap è E.R.P, stabilimenti chì ricevini u publicu : era l'ughjettu d'una riunioni d'infurmazioni urganizata ssu marti trà l'associu è a DDTM. Tuttu hè statu studiatu di manera fina à mezu à ssa mansa di rigulamentazioni, d'ubligazioni rigulamentarii, di derugazioni pà truvà suluzioni pà parmetta à tuttu ognunu è à i parsoni cù una mubilità ridutta d'acceda à tutti i casli chì ricevini u publicu. I municipalità è soprattuttu i più chjuchi sò tocchi à dui nivelli. Sò elli chì dani l'apprubazioni à i stabilimenti privati chì ricevini u publicu, ma si devini dinò metta in regula pà i so casali stessi, ed hè quì ch'ellu si poni u prublema. In fatti, i travaghji di missa à i normi costani assai caru suventi, pà stallà un cullatoghju par asempiu, è i picculi cumuni ùn ani micca sempri i mezi di pighjà in carica ssu costu in più.
A derugazioni, hè par avà a sola suluzioni, com'ella a ci dici Jocelyne Fazi, a presidenti di l'Associu di i Merri di Corsica Suttana.
Sur le même sujet
