ACA-Bordeaux : la commission de discipline se réunit ce soir et pourrait frapper de nouveau
Sta sera, a cumissioni di disciplina lla LFP hà da lintà un ochji à l’evenimenti successi pà a terza ghjurnata llu campiunatu di siconda divisioni u 21 d’austu, mentri u scontru trà l’ACA è Bordeaux.
Sissanta sustinitori di Bordeaux, ben’chè intirditti di dispiazzamentu, erani intruti in u stadiu è aviani pruvucatu una riazzioni forti di i sustinitori aiaccini. Tandu, à issi sustinitori frusteri, li si hè lampatu a dossu calchì mubiglia colta fora di u stadiu è ancu una scala. Sò stati i forzi di l’ordini à fà li escia, à iss’aienti.
Calchì ghjornu dopu, a LFP avia datu una prima sanzioni à l’ACA : a chjuditura di u stadiu pà u scontru contru à Dunkerque di sabbatu passatu. Issa partita si hè dunqua fatta senza u publicu.
Ma par disgrazia, l’ACA si pudaria piscà altri sanzioni sta sera.
À l’affaccà di u derby di u dui d’uttrovi contru à Bastia, a squadra è i so sustinitori aspettani impinsiriti i sintenzi à vena.
