A Mossa Paisana dénonce les arnaques aux produits corses dans une grande surface ajaccienne
A Mossa Paisana dénonce
(A redazzioni d'Alta Frequenza) - U sindicatu agriculu A Mossa Paisana rializeghja in ssu mumentu un'azzioni in un grandi magazenu aiaccinu pà dinunzià l'usu di "a maghjina di i paisani corsi (...) pà attraia una clientela turistica in cerca di prudutti identitarii è di a so qualità pratichendu à tempu prezzi assicurenduli una marghjina benefiziaria fenomenali". Pà u sindicatu, ssi grandi magazeni sò "porti d'intrata veri à l'impurtazioni di massa". A Mossa Paisana cunsidareghja chì i cunsumatori sò sbagliati da un affissu falsu o micca cumplettu chì và cù a moda di u "Made in Corsica" adupratu da un'industria agrualimentaria chì "apprufitteghja di un sistema chì si ghjova di i paisani ammazzenduli". Cù ss'azzioni rializata oghji, A Mossa Paisana dumanda un affissu unestu dimustrendu l'urighjini di a materia prima. U sindicatu pudaria purtà altri azzioni, inde altri grandi magazeni isulani, i ghjorni chì venini.
