A Galeotta de Corsica Linea le seul navire au GNL en Méditerranée
Ghjovi, hè stata battizata in Aiacciu « A Galeotta ».
A navi à u GNL di a Corsica Linea hà da piddà u mari duminica, par avvià si sinu à Marseglia.
Oghji dunqua, hè stata prisintata à più di 500 parsoni.
A matrina Laetitia Cucchi è u vescu di a Corsica ani battizatu è binidittu u bastimentu, chì hè una bedda fiertà pà a dirizzioni lla cumpagnia.
Dici Pierre-Antoine Villanova, u dirittori ginirali di a Corsica Linea, chì a pulitica di a cumpagnia t’hà trè dirizzioni priuritarii : a suddisfazzioni di u clienti, l’ambizioni sucitali è a transizioni ambiintali.
D’issa transizioni, « A Galeotta » ni voli fà una riescita. U battellu pò carrià 930 passaghjeri, 150 vitturi è 170 rimorchi, ed hè statu custruitu in Auropa. Hà da essa u solu di u Maritarraniu à viaghjà cù u GNL.
Avendu invistitu 180 miliona da attrazzà o custruì « navi verdi », a Corsica Linea voli essa una di impresi i più muderni di a so catiguria.
Iss’invistimenti poni ancu essa visti com’è una manera d’anticipà ciò chì, à mediu andà, duvaria essa ublicu.
Steti à senta i pricisioni di Pierre-Antoine Villanova.