1ères Ghjurnate Internaziunali di Corti depuis l'arrivée des nationalistes à la tête de la CTC
(A redazzioni d'Alta Frequenza) - I Ghjurnati Internaziunali di Corti Edizioni 2016 sarani urganizati sabbatu è dumenica in a citadella di Corti. Un locu di a prim'ora pà ghjurnati cù un carattaru particulari quist'annu. Prima à u nivellu di a Corsica cù a ghjunta à i rispunsabilità di i naziunalisti, dopu à u nivellu internaziunali, eppo infini da un puntu di vista di a risposta arricata da u Statu francesi à a situazioni di i prighjuneri pulitichi è di i rivindicazioni sindicali. Ssi trè temi farani l'ughjettu d'altrondi di trè dibattiti. Di sicuru, ci sarani dilegazioni di u mondu sanu pà sparta sparienzi è fà chì a Corsica pudissi pighjà tutta a so piazza in u dibattitu mundiali chì s'annunzia. Da un'antra banda, ssi dilegazioni sarani ricivuti à l'Assemblea di Corsica sabbatu à meziornu.
Steti à senta à Francescu Sargentini, chì faci parti di l'Esecutivu di Corsica è di Corsica Libera.
