11 070 clients privés d'électricité en Corse
(A redazzioni d'Alta Frequenza) - U gattivu tempu chì hà toccu a Corsica è soprattuttu u Cismonti hà inghjinnatu disguasti nant’à a reta elettrica. D’appressu à EDF Corsica, à 9 ori ssu ghjovi, sò 11 070 clienti chì sò privi d’elettricità. Hè a Corsica Suprana chì hè a più tocca, cù 8 000 clienti, i zoni i più tocchi essendu a Costa Verde cù 4 000 clienti, eppo a Castagniccia è u Boziu cù 1 100 clienti par ogni rughjonu. In Corsica Suttana, sò 3 700 clienti chì sò tocchi, 2 540 in u meziornu stremu è 530 pà i lochi di Conca. In a nuttata trà marcuri è ghjovi, sò fin’è 16 500 clienti chì sò stati privi d’elettricità à tempu. EDF, mubilizatu dipoi guasgi 48 ori oramai cù pristatarii privati, priciseghja chì « quandu i cundizioni a parmittarani, un elicotteru vinarà par appughjà (i so) squadri ind’a zona di i difetti. A situazioni ferma sempri assai difficiuli, l’agenti d’EDF fermani mubilizati di pettu à i cunsiquenzi di ssu gattivu tempu, inde u rispettu di i cunsigni indispinsevuli pà a so securità è quilla di l’aghjenti. EDF ramenta ch’ellu ùn ci voli micca ad avvicinassi d’un filu elettricu maiò cascatu in tarra, par via di i risichi di pighjà u currenti. »
A situazioni pricisa :
In Corsica Surttana (3 070) :
Conca : 530
Meziornu stremu : 2 540
In Corsica Suprana (8 000) :
Fium’orbu : 440
Boziu : 1 100
Castagniccia / Casinca : 1 100
Costa Serena : 300
Verde : 450
Golu : 210
Castagniccia : 225
Costa Verde : 4 000
Nebbiu : 75
Venachese : 100
Sur le même sujet
